Partia Demokratike e Kosovës të martën ka mbajtur tubim në Suharekë.
Kandidati i PDK-së për kryeministër, Bedri Hamza ka thënë se PDK-ja ofron zgjidhje dhe jo arsyetime.
“Një tubim me plot entuziazëm në Suharekë. Me plot energji dhe shpresë për Kosovën që mundet ma mirë. Ne ofrojmë zgjidhje, jo arsyetime. Kosova mundet ma mirë do të thotë më shumë zhvillim e më pak tatime, më shumë të ardhura për secilin, shëndetësi më të mirë, arsim modern dhe jetë më të mirë për të gjithë qytetarët e Kosovës”, ka thënë ai.
