Kandidati për kryeministër nga PDK në zgjedhjet e 9 shkurtit, Bedri Hamza ka thënë se kanë takime me partitë opozitare, por siç ka thënë ai nuk kanë arritur ende të pika se si do të formohet qeveria.
Këtu ka përmendur Lidhjen Demokratike të Kosovës me të cilën tha se ende s’ka diskutuar se si do të duket qeveria.
Hamza në një konferencë për media të premten, tha se nëse partia e parë nuk arrin ta formojë qeverinë, ai do të sillet në mënyrë shumë të përgjegjshme për formimin e institucioneve
“Jemi në biseda edhe me LDK-në edhe AAK-në e Nismën dhe partitë tjera. Nuk kemi mbërri deri në atë fazën me LDK-në, se qysh duhet me u dok formula e qeverisë, por jemi duke bisedu. Prandaj nëse vjen radha, sigurisht se unë jam shumë i përgjegjshëm dhe i përkushtuar që vendit me i dhënë institucione, nuk kemi mbrri në fazën me bisedua për çështjen e ndarjeve të posteve në qeveri. Radha dihet dhe mbi bazën e kësaj do të diskutojmë”, ka thënë Hamaza.
Ai ka thënë se preferon qeveri me LDK-në dhe partitë tjera opozitare , duke theksuar se nga Lëvizja Vetëvendosjes nuk kanë marrë ftesë e as nuk i kanë dërguar.
Hamza ka thënë se Kryetari i Kuvendit duhet të votohet dhe të zgjidhet ashu siç e parasheh Kushtetuta.
