Kryetari i Komunës së Mitrovicës, Bedri Hamza, tha se me përfaqësuesin e Posaçëm të Bashkimit Evropian për dialogun, Miroslav Lajçak, ka diskutuar për situatën, siç e ka quajtur të ndjeshme që ndodhet atje, raporton teve1.info
Pas takimit me Lajçakun, Hamza tha para medieve se ndër të tjera është diskutuar për progresin e arritur por edhe krijimin e kushteve dhe prosperitetit për të gjithë qytetarët pa dallim.
“Kemi biseduar për situatën e përgjithshme në Kosovë dhe çështjen e dialogut. Për zhvillimet që janë duke ndodhur në Kosovë dhe posaçërisht në këtë pjesë të Kosovës. Gjithsesi se ka qenë temë çështja e urës së Ibrit dhe nevoja që të respektohet dhe zbatohet Kushtetua e të gjitha ligjet në fuqi që garantojnë siguri të gjithë qytetarëve, mallrave dhe gjithçka tjetër.
Kemi bisedu edhe për progresin e arritur gjatë këtyre viteve por edhe për ndjeshmërinë që ndodhet në këtë pjesë dhe është prezent në këtë pjesë të Kosovës. Megjithatë ne do të bëjmë bashkëpunim, prosperitetit dhe krijimin e kushteve për të gjithë pa dallim”, tha Hamza.
Aktualisht, Lajçak po zhvillon takim me përfaqësues të shoqërisë civile në këtë qytet.
Raporti: Valmir Gallopeni
