Kandidati i PDK-së për kryeministër, Bedri Hamza ka takuar banorët e Reçakut, në prag të përvjetorit të masakrës në këtë fshat të kryer nga forcat ushtarake dhe policore të Serbisë.
Hamza ka thënë 15 janari i vitit 1999 ishte thirrje për zgjim për botën dhe mbetet një kujtesë e përhershme e nevojës për drejtësi.
“Erdha t’i takoj banorët e fshatit Reçak, afër datës përkujtimore të Masakrës së Reçakut. 15 janari i vitit 1999 ishte një thirrje zgjimi për ndërgjegjen botërore dhe mbetet një kujtesë e përhershme e nevojës për drejtësi. Sot është një thirrje për të mos harruar, por për të punuar shumë për një të ardhme më të mirë. Ne folëm edhe për ekonominë, shëndetësinë, arsimin dhe jo vetëm për drejtësinë e munguar. Programi im nuk është thjesht një premtim për të nesërmen. Është një kambanë që fton çdo qytetar të besojë në forcën e tij, në mundësitë që vendi ynë ofron. Është ftesë për t’u bashkuar që ta bëjmë Kosovën ma të mirë”, ka shkruar Hamza.
