Kështu ka deklaruar për teve1.info kryetari i Komunës së Mitrovicës, Bedri Hamza i cili konfirmoi se një dron i tillë ka rënë në lagjen e qytetit.
“Kam informacione zyrtare se një dron ka rënë në një lagje të Mitrovicës. Sipas informacioneve që kam, nuk ka njerëz të lënduar. Po ashtu, nuk ka as dëme materiale”, shtoi ai.
Ndërkaq, Hamza shtoi se droni ende nuk është larguar nga vendi dhe se organet kompetente po merren me rastin – të cilat edhe do të japin informacione të detajuara lidhur me këtë.
Ndryshe, sipas raportimeve vendi është rrethuar nga Policia e Kosovës dhe deminuesit.
Teve1.info ka kontaktuar edhe me Policinë e Kosovës, por që të njëjtit nuk kanë kthyer ndonjë përgjigje.
