Hamza në një lidhje të drejtpërdrejt për Tëvë1 tha se dhjetëra familje në Mitrovicë janë evakuuar.
“Ka pasur nevojë që dhjetëra familje të evakuohen. Është fat i mirë që në këtë situatë nuk kemi humbje të jetës së njerëzve. Familjet janë evakuuar në disa pjesë të Mitrovicës”, u shpreh Hamza.
Por, sipas tij dëmet materiale nga vërshimet gjatë ditës së sotme në Komunën e Mitrovicës janë shumë të mëdha.
“Dëmet materiale janë shumë të mëdha. Janë me pasoja shumë të mëdha ekonomike. Njerëzve u janë dëmtuar shtëpitë, prona,orenditë, gjithçka që kanë pasur brenda shtëpive të tyre, por janë dëmtuar edhe edhe bizneset, infrastruktura dhe normalisht edhe objektet tjera publike”, deklaroi Hamza.
I pari i Mitrovicës më tej tregoi se cilat ka qenë zonat më të prekura në këtë komunë.
“Kanë qenë të rrezikuara shtëpi në fshatin Kushtovë, në Vaganicë, në pjesën e anës së majtë dhe të djathtë të lumit Ibër në pjesën të Suhodolli dhe në këtë pjesën tjetër, pastaj te 2 korriku. Bajri ka qenë shumë i rrezikuar dhe normalisht që ka qenë tërësisht e vërshuar qendra e qytetit”, shtoi Hamza.
Ai tha se reshjet e shiut kanë filluar në orët e para të mëngjesit dhe si pasojë lumejtë Ibri dhe Lushta kanë dal nga shtrati.
