Kandidati i PDK-së për kryeministër, Bedri Hamza ka premtuar se 25 milionë euro do t’i ndajnë çdo vit si bursa studentore për të rinjtë e Kosovës.
Hamza ka thënë se Fondi Shtetëror i Bursave është një mundësi për të gjithë studentët që t’i ndjekin ëndrrat e tyre, pa u penguar nga barriera financiare.
“Unë besoj te potenciali i studentëve tanë. Çdo vit, 25 milionë euro do t’i ndajmë si bursa studentore për të rinjtë e Kosovës. Ata do të studiojnë, punojnë dhe do ta ndërtojnë karrierën e tyre në vendin tonë. Fondi Shtetëror i Bursave është një mundësi e mrekullueshme për të gjithë studentët që t’i ndjekin ëndrrat e tyre, pa u penguar nga barriera financiare”, ka deklaruar ai.
