Negociatat për një armëpushim të ri dhe një fund të luftës në Gaza janë vështirësuar pasi që Izraeli ka lëshuar kërkesa të reja për grupin e Hamasit, ku kanë kërkuar që ky i fundit të çarmatoset në këmbim të një armëpushimi gjashtëjavor.
Izraeli lëshoi propozimin e tij të fundit për ndërmjetësuesit egjiptianë dhe ata të Katarit të hënën, duke ofruar një armëpushim të përkohshëm 45-ditor në këmbim të Hamasit që liron 11 pengje izraelitë që ende mbahen në Gaza.
Zyrtari i lartë i Hamasit, Sami Abu Zuhri, i tha Al Jazeera-s para publikimit të deklaratës zyrtare ka thënë se Hamasi nuk do të pranonte asnjë kërkesë për çarmatim, duke thënë se “për sa kohë që ka një okupim, rezistenca do të vazhdojë”.
“Kërkesa për çarmatosjen e Hamasit nuk është as e pranueshme për t’u dëgjuar. Kjo nuk është vetëm një vijë e kuqe, ajo është një milion vija të kuqe,” tha Abu Zuhri, raporton Al Jazeera.
Raundi i fundit i bisedimeve të mbajtura në Kajro të hënën përfundoi pa lëvizje të dukshme drejt përfundimit të përhershëm të luftës, e cila është përshkallëzuar që kur Izraeli theu armëpushimin në Gaza më 18 mars, pas një marrëveshjeje që u arrit me Hamasin në fund të janarit.
Ministria e Shëndetësisë e Gazës thotë se të paktën 50,983 palestinezë janë konfirmuar të vdekur dhe 116,274 të plagosur që nga fillimi i luftës së Izraelit në Gaza.
