Grupi palestinezë Hamas tha të enjten se kërkonte të mbante gjallë pengjet izraelitë në paraburgim, por se ata u vranë nga ushtria izraelite nën këmbënguljen e kryeministrit Benjamin Netanyahu për të vazhduar luftën në Gaza.
Hamasi dorëzoi trupat e Shiri Bibas, dy fëmijëve të saj; Ariel dhe Kfir dhe Oded Lifshitz në qytetin Khan Younis në Rripin jugor të Gazës herët të enjten nën një marrëveshje armëpushimi dhe shkëmbimi të të burgosurve me Izraelin, raporton AA.
Për dorëzimin e trupave të katër robërve izraelitë, Hamasi tha në një deklaratë se “ruante jetën e të burgosurve okupues”, u dha atyre atë që mundën dhe “i trajtoi ata në mënyrë njerëzore, por ushtria e tyre i vrau së bashku me pengjet e tyre”.
“Krimineli Netanyahu po qan sot mbi trupat e të burgosurve të tij që u kthyen tek ai në arkivole, në një përpjekje të hapur për të shmangur përgjegjësinë për vrasjen e tyre para audiencës së tij,” tha gjithashtu Hamasi.
Ndërsa iu drejtua familjeve të pengjeve izraelitë të vrarë – familjeve të Bibas dhe Lifshitz – tha: “Ne do të kishim preferuar që djemtë tuaj të ktheheshin të gjallë tek ju, por udhëheqësit e ushtrisë dhe qeverisë suaj zgjodhën t’i vrisnin në vend që t’i kthenin”.
“Ju ishit viktimë e një lidershipi që nuk kujdeset për fëmijët e tij”, tha Hamasi në mesazhin e tij drejtuar familjeve të pengjeve të vrarë.
Grupi i rezistencës theksoi se një marrëveshje e shkëmbimit të të burgosurve “është e vetmja mënyrë për t’i kthyerpengjet të gjallë te familjet e tyre”, duke paralajmëruar se “çdo përpjekje për t’i rikthyer ata me forcë ushtarake ose për t’u kthyer në luftë vetëm do të rezultojë në më shumë humbje midis robërve”.
Faza e parë e marrëveshjes së armëpushimit dhe shkëmbimit të të burgosurve në Gaza hyri në fuqi më 19 janar, duke ndalur luftën e Izraelit që ka vrarë të paktën 48,300 palestinezë, kryesisht gra dhe fëmijë, dhe e ka lënë enklavën në gërmadha.
