Xhavit Haliti nga Partia Demokratike e Kosovës ka folur për vendimin e kësaj partie që komunën e Drenasit të mos rikandidohet kryetari aktual, Ramiz Lladrovci ka thënë se shpreson që të arrihet një unifikim dhe të jetë vetëm një kandidat.
Ai ka thënë se nuk e di procedurat që janë ndjek në qendra në Drenas, por ka thënë se votimi i kryesisë ka qenë vendimtar.
Haliti në emisionin “Mesditë” në Tëvë1, ka thënë se përgjegjësia për vendosjen e kandidatit bije më kryesinë e partisë.
“Po shpresoj do të arrihet të unifikohet partia në Drenas. Partia ka vendos për kandidaturat në Drenas dhe Skenderaj. Dhe partia është e bindur se kandidati i saj do të fitoj. Nuk e di procedurat që janë ndjek për vendosjen e kandidatit në Drenas. A ka është vendos në kryesinë e degës në Drenas, cili ka qenë qëndrimi i tyre. Meqë se në kryesinë e partisë kanë shku dy propozime, nuk kam informatë nëse janë propozua vet a po ndokush. Vet fakti që është hedh në votim dihet cili ka qenë rezultati. Kryesia ka pa ashtu, dhe përgjegjësia është e saj”, ka thënë Haliti.
Për paralajmërimin e Lladrovcit se do të jetë kandidat për kryetar të Drenasit, Haliti ka thënë se kjo mund të ndodhë duke e vlerësuar si të drejt të tij.
Por, ai ka thënë se do të jetë e vështirë fitorja nëse e ka partinë kundër.
Madje,ai ka përmendur rastin e Bekim Jasharit në Skenderaj i cili humbi përball kandidatit të PDK-së.
“Nuk është e lehtë të fitojë nëse e ka partinë kundër. E kemi prvoua në Skenderaj një kundërkandidat, ju dini kush ka qenë, çfarë emri dhe në fund kandidati i PDK-së ka fitua”, ka thënë Haliti
