Ai tha se gjithmonë ka qenë evidente forcimi i Rusisë që ka qenë fuqi bërthamore, por forcimi i Kinës dhe Indisë sipas tij, ka qenë i paraparë nga studimet të bëra vite më herët.
“Fuqia ushtarake dhe politike e NATO-s në qoftë se ato nuk kanë ndonjë përplasje e cila rrezikon krijimin e blloqeve shtesë brenda përbrenda NATO-s, po besoj që janë shumë më të fuqishme edhe ekonomikisht edhe ushtarakisht në aspektin teknologjik janë të pa arritshëm edhe nga fuqia që po e krijon një urrejtje të madhe tek popujt e botës por edhe tek vet rusët nga sulmet e panevojshme ndaj një populli të cilin vet e kanë pranuar në kuadër të shpërbërjes se Bashkimit Sovjetik të atëhershëm dhe tani filloi një betejë me akuza të çuditshme”, tha Haliti.
Ai bëri një krahasim mes akuzave të Rusisë ndaj SHBA-ve dhe akuzave të Serbisë ndaj Kosovës, ku tha se dëshira e Rusisë është që të ketë kalim të lirë në ujërat e nxehta përmes Durrësit.
“Shembull ne kemi pase akuza nga Serbia të llojllojshme këtu që i janë shitë opinionit botëror që ne jemi si gati gjysh kanibal, edhe ata e nxorrën akuzën se SHBA po prodhon helme dhe materie të cilat kanë synim dëmtimin e Rusisë . Problemet e Rusisë pas përforcimit të saj janë evidente për shembull Krimeja, Don Basku, pjesa kufitare me Detin e zi tendenca për me dalë në ujërat e nxehta pa pengesa, kanë qenë dhe kanë me mbetë prap çështje të Rusisë. Më qoftë se ne e krahasojmë Serbinë me Rusinë nga historia dhe politika që e kemi diskutu dimë që dëshira e saj është me dalë në Durrës që me pasë kalim të lirë në ujërat e nxehta përmes Durrësit”, shtoi Haliti. /teve1.info/.
