Kryetari i Vitisë, Sokol Haliti ka folur për mungesën e ujit të pijshëm në fshatrat e kësaj komune. Ai njoftoi se nesër kanë nënshkrimin e pesë kontratave, për pesë fshatra, për ujë të pijes me “Hidromoravën”, e cila do t’i marr përsipër.
Haliti bëri të ditur se në regjionin e Gjilanit, është kompania “Hidromorava” e cila garanton mbulueshmëri me ujë, por që sipas tij, qytetarët e adresjojnë këtë problem te kryetari i komunës.
“Në regjionin tonë është Hidromorava, kompani e cila është e themeluar me ligj, që garanton mbulueshmëri me ujë dhe kualitet. Kjo është çështje e ditur. Qytetarët natyrisht këto kompetenca i kërkojnë të kryetari i komunës, gjë që është normale. Kjo dhe ne natyrisht si përgjegjës të komunës, ne jemi obligativ që vërtet t’i qojmë këto procese përpara. Nuk e kam pas lehtë çështjen e ujit të pijes ta qoj përpara, për shkak kontratave që nënshkruhen, fazës së 4, 5, 6, që është një problematikë në vete”, deklaroi ai në “Info Nata” në Tëvë 1.
Tutje, i pari i Vitisë tregoi edhe fshatrat të cilat do t’i marr përsipër “Hidromorava”.
“Nesër, është e ditur çështja e marrëveshjes së mëhershme fazës 4, 5, për Tërstenikun, për Sadovinën e Çerkezëve, Sadovinën e Jerlive, Sllatinën e Epërme, Sllatinën e poshtme. Ndërsa ne po punojmë edhe në fshatin e këshilltarit komunal nga VV, i cili paraqiti këtë problem. Po punojmë për shkak se rrjeti atje faktikisht është rregulluar i ujit, por bashkë me Smirën do të lëshohen shumë shpejt”, shtoi ai. /Teve1.info/
