Ditë më parë është raportuar se Forca e Sigurisë së Kosovës është pajisur me 5 dronë. Mirëpo, deputeti nga PDK, Xhavit Haliti thotë se ende nuk janë në dijeni se për çfarë lloj të dronëve bëhet fjalë.
“Dronët për FSK-në, nëse janë blerë me para, janë blerë me para të popullit. Ne nuk e dimë nëse janë dronë me raketa, apo janë dronë për ta vëzhguar kufirin. Kurti është i izoluar nga Evropa, nga Amerika dhe nuk po i mban marrëdhëniet me Shqipërinë”, deklaroi Haliti në emisionin “Këndi i Debatit”.
Ndërkaq, sa i përket zbatimit të marrëveshjes, Haliti thotë se Kurti është duke vepruar njësoj si presidenti i Serbisë, Aleksandar Vuçiq.
“Nëse Kurti vazhdon të thotë në Bruksel që po e zbaton marrëveshjen dhe këtu thotë ndryshe, është e njëjta kopje e Vuçiqit që thotë në Serbi”, shtoi tutje Haliti në Tëvë1./teve1.info/.
