Zëdhënësja e Lidhjes Demokratike të Kosovës, Sibel Halimi ka thënë se me Qeverinë Kurti dialogu me Serbinë ka degraduar.
Halimi e ftuar në emisionin “ReSpublika” në Tëvë1, tha se LDK-ja gjatë gjithë kohës ka insistuar që dialogu të ketë për bazë marrëveshjen finale, pra njohjen reciproke mes vendeve.
“Nëse e marrim parasysh historinë e dialogut të qeverisjes Kurti e shohim që ka një degradim sa i përket edhe trajtimit të temave edhe të mënyrës sesi iu kanë qasë dialogut. Dmth LDK gjatë gjithë kohës ka insistuar që dialogu ta ketë për bazë marrëveshjen finale dhe njohjen reciproke dhe kjo faktikisht ne kemi pasur një situatë një gjendje ku edhe nga letra e (Joe) Biden kemi kuptuar që dialogu është në rrugën e duhur, mirëpo se çfarë ndodhi është që u krijuan disa situate konfliktuoze të cilat kryeministri Kurti nuk arriti që ti përkthej në avantazhin e Kosovës që nga marrja e mandatit të qeverisjes”, tha ajo.
Madje sipas Halimit, Lëvizja Vetëvendosje para se të vinte në pushtet e kishte emëruar dialogun si Zajendicë, teksa tha se me ardhjen në pushtet e kanë braktisur një kauzë të tillë.
“Ndryshoj u transformua faktikisht koncepti bazë i dialogut nga ai politik kaloi në nivelin teknik e më pas edhe për të ndryshuar trajtën tërësisht, sese kjo është e pritur nga Qeveria Kurti. Deri sa ishte në opozitë gatë gjithë kohës e ka emëruar dialogun edhe në nocione atipike, dmth në gjuhën e tyre siç është Zajednica apo edhe nocione tjera, të cilat faktikisht i gjithë identiteti i LVV-së, është kriujuar duke e kundërshtuar në mënyrë sistematike dialogun. Por me të marrë pushtetin e kanë braktisur një kauzë të tillë”, shtoi ajo.
Ndryshe sot është zhvilluar takimi trepalësh mes emisarit të Bashkimit Evropian, Miroslav Lajçak me kryenegociatorin e Kosovës, Besnik Bislimi dhe atë të Serbisë, Petar Petkoviq.
Teksa pas takimit trepalësh kryenegociatori kosovar, Besnik Bislimi, tha se as që është dashtë të priten rezultate sot.
Bislimi tha se në takimin e sotëm është diskutuar për Marrëveshja e 27 shkurtit, Asociacioni dhe çështjet tjera që lidhen me vizitën e Lajçakut në rajon./teve1.info./
