Sensacioni i Borussia Dortmund është i vendosur për një transferim në afatin kalimtar veror dhe kampionët e Premierligës udhëheqin garën për nënshkrimin e norvegjezit, Erling Haaland.
Erling Haaland nuk mund të bëjë asgjë për momentin pa u dhënë një shenjë se cilit klub do t’i bashkohet më pas. Udhëtimi mjekësor në Mynih ka nxitur raportet për një takim me shefin e Barcelonës, Xavi. Ndërsa pëlqimi i një postimi në Instagram për Santiago Bernabeu ndezi bisedat për një lëvizje në Real Madrid.
Edhe duke parë ndeshjen e Manchester City-n në shtëpi rriti spekulimet për një kalim në “Etihad Stadium”.
Sigurisht që nuk është e lehtë të jesh njëri nga sulmuesit më të kërkuar në treg, kur atëherë – çdo gjest i vogël vihet nën një vëzhgim intensiv. Interesi është i kuptueshëm, natyrisht. Nuk është vetëm sepse Haaland është një nga lojtarët më të kërkuar në planet.
Ai klauzolën e lirimit në kontratën e tij me Borussia Dormtundin e ka 75 milionë euro (62 milionë £/81 milionë dollarë), që do të hyjë në lojë këtë verë – edhe tarifat e agjentëve dhe një bonus në nënshkrimi e kontratës do ta bëjë koston përfundimtare të blerjes së Haaland shumë më të lartë.
Pothuajse çdo klub elitar evropian i është bashkuar garës për nënshkrimin e 21-vjeçarit, por City po del si kryesuesi.
Madridi mbetet në gjueti, por ata po ndjekin gjithashtu superyllin e Paris Saint-Germain, Kylian Mbappe, ndërsa situata delikate financiare e Barcelonës do të thotë që një lëvizje në Camp Nou mbetet e pamundur, edhe nëse trajneri i Blaugranas, Xavi ende është në kërkim të tij.
Mundësia troket në derë për Cityn, atëherë, dhe ata kanë qenë duke u përpjekur fort për të realizuar transferimin e Haaland, me Pep Guardiola të etur për të shtuar një sulmues me një instinkt vrasës në skuadrën e tij.
Drejtuesit e City besohet se janë takuar me përfaqësuesit e norvegjezit kohët e fundit, megjithëse klubi tani është i kujdesshëm, në lidhje me profile si të Halaand. Një vit më parë, për shembull, ata ishin të sigurt se mund të përfundonin një marrëveshje me Harry Kane vetëm se Tottenham refuzonte ta shiste edhe pse anglezi dëshironte të transferohej në Mançester.
/Tëvë1/
