Të vështirë e ka t’i mbajë lotët.
E dëshpërimin nuk po mund ta fsheh.
Kjo pasi Gani Zylfiu, 26 vjet më parë këtu në Krushë të Vogël i humbi babain e dy vëllezërit e tij.
Drejtësi për ta, thotë se ende nuk ka gjetur.
“Sot i përkujtojmë të rënët 113, një ndër ata i kam babën e dy vëllezërit. Njëri ishte 27 vjec njeri 29 kurse baba ishte afër 64. Absolut jemi të pakënaqur se drejtësia le që i kemi të pagjetur por edhe ata që bënë krimet asnjëri prej atyre as shteti nuk e di cka po bënë, jemi të dëshpëruar me shtetin, me drejtësi”, thotë ajo.
Rëndë po e kanë edhe këto familjare.
Në përkujtim të 113 qytetarëve që u masakruan më 26 mars të 99-tës, foli para të pranishmëve kryetari i fshatit, Krushë e vogël, Shkëlzen Hajdari.
“Në këtë ditë të shënuar kujtojmë martirët e Krushës ata të cilët dhanë jetën për një Kosovë të lirë dhe të pavarur. 26 mars 1999 Krusha e Vogël u shndërrua në një vatër të dhimbjes dhe të tragjedisë”, thotë Hajdari.
Për të nderuar të rënët që dhanë jetën, të pranishëm ishin edhe e para e shtetit Vjosa Osmani e kryeministri, Albin Kurti.
Nga Krusha e Vogël, 60 banorë vazhdojnë të mbesin të zhdukur me dhunë nga regjimi serb.
