Gjatë një konference për medie, Abazi tha se propozimin gjerman e kanë futur duke u munduar t’ia shtojnë rëndësinë këtij procesi, por shtoi se një gjë e tillë është e pavërtetë.
“Propozimi gjerman për asociacionin e kam futur në thonjëza sepse është e pavërtetë. Nuk ka propozim gjerman, nuk mund edhe të ketë asnjë propozim me emra të tjerë por duke tentuar që t’i shtohet rëndësia për debatin dhe asociacionin, për ta rritë seriozitetin i kanë shtuar emra të tjerë”, tha Abazi.
Sipas tij ka vetëm një propozim dhe ai është Asociacioni i Komunave e i cili duhet të formohet vetëm bazuar në ligjet e Kosovës.
“Nuk ka pushet të tretë. Nuk ka asociacion i cili mund t’i tejkaloj ligjet dhe Kushtetutën e vendit. Në këtë rast po dihet që vullneti i serbëve është për të krijuar një asociacion të komunave me shumicë serbe në kundërshtim me Kushtetutën e vendit i cili është i përcaktuar të jetë multietnik, multikulruror dhe multireligjioz”, tha Abazi.
Sipas tij, nëse serbët duan ta bëjnë një Asociacion të tillë, mund ta bëjnë bazuar në ligjet dhe Kushtetutën e Kosovës në formë të Organizatës Joqeveritare.
“Por nëse duan ta bëjnë, mendoj se janë të lirë ta bëjnë brenda ligjeve e Kushtetutës së vendit dhe Gjykatës Kushtetuese sepse ne nuk mund të mbahemi peng të një grusht komunave. Mirëpo le ta kenë si OJQ, por nuk ka mundësi që askush t’u atribuoj atyre pushtet të tretë”, tha Abazi.
Ai tha se Asociacioni i Komunave duhet të votohet sipas ligjeve të vendit.
