Autori: Adea Mustafaj
Mbrëmjen e së shtunës, në sheshin e Gjilanit, një vajze iu vodh çanta me forcë.
E të nesërmen, i dyshuari L.Sh., 28 vjeç, u arrestua nga Policia e Gjilanit.
Gjatë bastisjes në shtëpinë e tij, policia ka sekuestruar dëshmi materiale që lidhen drejtpërdrejt me kryerjen e veprës penale.
“I njejti po ashtu dyshyohet të ketë qenë i përfshirë edhe një rast të njejt i cili ka ndodhur me datën 29 tetor 2025, në rrugen “Lulishtja” këtu në qytetin e Gjilanit. Gjatë kontrollit në shtëpin e të dyshuarit është arritur që të gjenden prova materiale që i dyshuari të ketë qënë i përfshirë në këto dy raste. Me vendim të Prokurorit pas intervistimit i dyshuari është dërguar në mbajtje për 48 orë” , ka thënë Osmani.
L.Sh dyshohet të jetë i përfshirë në disa raste të ngjashme të vjedhjeve qytetin e Gjilanit.
Raste të ngjashme kanë shqetësuar një pjesë të qytetarëve.
“Në park isha tu kalu, se unë banoi që katër vjetë këtu në qytet në Gjilan, edhe më zuni pak vonia. E qashtu qe do djem të rinjë ja nisën diçka me më provoku. I thash mos më hani sysh se jom plak po vjen puna më qoni në burg” , është shprehur qyteri
Por një pjesë e qytetarëve të cilëve një gjë e tillë nuk u ka ndodhur ndonjë herë, nuk ndihen të pasigurt në shesh.
“Nuk besoj që ndodh shpesh. Normal vjedhje ka ku do, ku të shkojsh. Nuk e ndij vetën të pasigurt. S’ka ndodh tek unë as një here”, ka thënë qytetari tjetër.
“Po ndihem fare i sigurt. Bile nuk e kam menduar kurr. Nuk e mendoj që mund të më ndodh diçka e tillë, por gjithçka është e mundur. Por nuk e kam atë problem” , është shprehur tutje edhe një qytetar.
Televizioni ka tentuar të marr një përgjigje edhe nga Prokuroria në lidhje më procedurat që do të ndërmerren ndaj të dyshuarit, por të njëjtit nuk kanë kthyer përgjigje deri në publikimin e kronikës.
