Në kohën kur familja Bunjaku kishte thirrur të afërm për iftar, ata patën edhe disa mysafirë të paftuar.
Persona të panjohur hynë të dielën në shtëpinë në shtëpinë e djalit të Enver Bunjakut në fshati Lluzhan të Podujevës.
Ngjarja e tronditi familjen.
“Kemi qenë në iftar te djali i madh edhe kemi bërë iftar qitu kerret gati 20 kerre përafërsisht dhe pasi kemi bërë iftar dikush u dal me pi cigare, dikush me fal akshamin. Një djali i kësaj( resë), ka ardh tek shtëpia këtu, dera ka qenë me dry edhe kur hy brenda dera qelë”, ka thënë Enver Bunjaku, banor i fshatit Lluzhan.
Hajdutët këtu arritën të vjedhin stoli ari në vlerë të mijëra eurove.
“Ata kanë ardhë prej asaj ane andej e kanë thy tek kuzhina aty , e kanë qelë me thika me pajsera edhe kanë hy në dhomën e kësaj dhe çka kanë gjet e kanë marrë. Përafërsisht prej dy mijave deri në tre mijë euro amo na kanë trondit na kanë ra në befasi”, thotë Bunjaku
Për këtë rast janë njoftuar edhe Policia e Kosovës
“Kanë qenë Policia i kanë marrë gjurmët i kanë fotografu hetuesia dhe presim ishalla zbulohen”, thotë ai.
Mirëpo, kjo nuk është familja e vetme në fshatin Llozhan që u bë cak i hajnave të dielën në kohën e njëjtë.
Në minutat e iftarit u vodhën edhe tri shtëpi të tjera, dy prej të cilave, Tëvë1 ka mësuar se janë të dy zyrtarëve policor.
Burimet i kanë treguar Tëvë1 se hajnat vodhën disa pajisje policore, në mesin e tyre edhe një armë.
Gjatë ditës nga Policia nuk kanë dhënë detaje për këtë rast.
