Një person është ankuar në Polici, pasi që disa persona të panjohur me forcë kanë hyrë në shtëpinë e tij dhe kanë vjedhur armë, para të gatshme dhe një sasi stoli ari.
Rasti ka ndodhur të shtunën në Ferizaj.
Në raportin 24-orësh thuhet se është njoftuar prokurori dhe rasti është në procedurë hetimore.
“Ferizaj / 16.03.2024-18:20. Ankuesi mashkull kosovar ka raportuar se persona të panjohur me forcë kanë depërtuar në shtëpinë e tij dhe nga aty kanë arritur të vjedhin: një armë me 50 copë fishekë për të cilën posedon leje, para të gatshme dhe një sasi stoli ari. Është njoftuar prokurori, rasti në procedurë hetimore”, thuhet në raport./teve1.info/
