Policia e Kosovës ka bërë të ditur se hajnat kanë hyrë në dy shkolla në Lipjan.
Në njërën shkollë është vërejtur dera e thyer, derisa nuk është raportuar se është vjedhur diçka.
“Ankuesja femër kosovare punëtore teknike në shkollë, ka raportuar se gjatë natës ishte thyer dera e shkollës, nuk është vërejtur se është vjedhur ndonjë gjë. Rasti është duke u hetuar”, thuhet në raportin e Policisë.
Ndërsa, në një shkollë tjetër, nga kamerat e sigurisë janë parë disa persona që kanë hyrë brenda dhe nuk dihet nëse kanë vjedhur diçka.
“Ankuesi mashkull kosovar, përgjegjës i shkollës, ka raportuar se përmes kamerave të sigurisë është vërejtur se persona të panjohur kanë hyrë brenda në objekt shkollor dhe ende nuk dihet se a është vjedhur diçka. Rasti është duke u hetuar”, thuhet në njoftim./teve1.info/
