Pse duhet që sa më parë të formohet qeveria e re, tregon njohësja e marrëdhënieve ndërkombëtare, Vjollca Hajdari.
Ajo në studion e emisionit “Info Nata”, deklaron se stagnimi politik po e pengon Kosovën në progrese.
Kjo sipas saj, tregon që Kosova duhet të punojë dhe ta konsolidojë qeverinë e re sa më parë, në mënyrë që të vazhdohet në realizimin e detyrave për proceset e tjera.
“Nuk na bënë mirë neve në Kosovës në politikën e brendshme, por as në raport me politikën e jashtme, pra në raport me aleatët tanë, si me BE-në e ShBA-në. Kjo bllokadë, ky stagnim politik nuk na bënë mirë neve, prandaj Kosova ndodhet ashtu në saje të politikës që po zhvillohet, si dhe në saje të bllokadave që i bënë Serbia, si aleate me Rusinë. Kjo është vetvetiu një qorr sokak, i cili sa më shumë që prolongohet, sa më shumë që vazhdon, nuk do t’i ndihmojë Kosovës në progres. Prandaj, këtu e shoh sa më të rëndësishme që të krijohet sa më shpejtë e të konsolidohet qeveria e re, me qëllim që të ecim përpara drejtë proceseve të tjera”, tha njohësja e marrëdhënieve ndërkombëtare në Tëvë1.
