Granit Xhaka ditë më parë tha se Leon Avdullahu dhe Albian Hajdari nuk kishin durim që të prisnin Zvicrën dhe zgjodhën Kosovën.
Tani ka ardhur përgjigja nga mbrojtësi Hajdari për Xhakën, duke thënë se nuk ka të bëjë me durimin.
“Nuk ka të bëjë me durimin. Unë dhe Leoni kemi zgjedhur me zemër ta përfaqësojmë Kosovën. Ajo çfarë ka thënë Graniti është thjeshtë mendimi i tij. Unë kam vetëm respekt për karrierën e tij dhe vendimi im ka qenë vendim i marrë për vendin tim”, ka thënë Hajdari.
Ai tutje foli edhe për partnershipin që ka krijuar në qendër të mbrojtjes te Kosova, duke thënë se ndihet mirë me të gjithë.
“Trajneri vendos kush luan. Unë e kam ndjerë vetën mirë edhe me Fidanin, Ilirin apo Kreshhnikun, por edhe tashti me Lumbardhin dhe Amirin. Mundohem t’iu ndihmoj dhe ata gjithashtu më ndihmojnë mua. Jemi duke luajtur mirë dhe të shohim”, tha Hajdari
