Ministrja e Industrisë, Ndërmarrësisë dhe Tregtisë, Rozeta Hajdari, bashkë me Ministrin e Turizmit të Izraelit, Haim Katz, vizituan sot Parkun Arkeologjik “Ulpiana”.
Kështu thuhet në njoftimin e Ministrisë së Industrisë.
Sipas tyre, mysafirët nga Izraeli me shumë kënaqësi dhe kureshtje dëgjuan shpjegimet nga arkeologu Milot Berisha, lidhur me historinë e gjurmëve dardane dhe thesaret e trashëgimisë kulturore në vendin tonë.
“Përveç stafit të ministrave, vizitës iu bashkuan edhe Ambasadorja e Republikës së Kosovës në Izrael, Ines Demiri dhe Ambasadorja e Shtetit të Izraelit në Kosovë, Tamar Ziv.Ministrja Hajdari, dhe Ministri Katz, dje nënshkruan Deklaratën e Përbashkët për bashkëpunim në fushën e turizmit, në përputhje të respektit reciprok dhe barazisë”, thuhet në njoftim./teve1.info./
