Hailey Bieber ka hedhur poshtë pretendimet se ka pëlqyer një postim në rrjetet sociale që tallte Selena Gomez dhe të fejuarin e saj, Benny Blanco.
Krijuesja e TikTok, Courtney Presto, kishte pohuar se Hailey kishte reaguar ndaj një klipi që ajo publikoi më 14 shkurt, ku tallte disa imazhe nga fotosesioni i Selena dhe Benny për revistën “Interview”.
Një përfaqësues i Hailey ka mohuar këto pretendime, duke theksuar se “kjo nuk ka ndodhur kurrë” dhe duke shtuar se ky është një përpjekje nga një krijues përmbajtjeje për të përfituar nga një narrativë e vjetër dhe e lodhur.
Në videon prej shtatë sekondash që postoi Courtney, ajo tallte disa imazhe të çuditshme të këmbëve të Selena që mbështeteshin mbi Benny, dhe shkruante: Kjo është më e keqja– duke ftuar audiencën të shihte fotot.
Pavarësisht se disa përdorues të TikTok menduan se Hailey kishte pëlqyer videon, ajo mohoi çdo përfshirje.
Nga ana tjetër, Selena Gomez ka vendosur të shmangë çdo lloj dramë dhe ka rishpërndarë një video në Instagram, ku tregon një moment të qetë me të fejuarin e saj, Benny Blanco.
Ata shihen duke udhëtuar në një kabriolet rozë dhe duke shijuar një ditë të bukur me diell. Po ashtu, Selena ka ndarë një video tjetër, ku diskuton për albumin e saj dhe Benny, titulluar “I Said I Love You First”, që pritet të publikohet më 21 mars. Ajo ka zgjedhur të fokusohet te karriera dhe jetën personale, duke lënë mënjanë çdo polemikë./TAR
