Mbrojtësi Florent Hadërgjonaj dhe mesfushori Meriton Korenica, kanë vazhduar me paraqitje të mira në Superligën e Turqisë, përkatësisht Rumanisë.
Të dy futbollistët e Kombëtares së Kosovës, janë përfshirë në formacionin më të mirë të këtyre kampionateve nga “Sofascore”.
Hadërgjonaj ka zënë vend në ekipin më të mirë të xhiros së 25-t të elitës së futbollit turk pasi shënoi gol nga penalltia në fitoren e Alanyasporit 3:2 ndaj Adana Demirsporit.
Ndërkohë, Korenica është përfshirë në formacionin më të mirë të javës së 28-të në Superligën e Rumanisë.
Korenica ka shënuar një gol në fitoren e Clujit 2:0 ndaj Petrolulit, për ta ndihmuar ekipin e tij që të ngjitet në pozitën e tretë në tabelë me 50 pikë të tubuara dhe të mbajë hapin për titullin e kampionit.
Korenica, tani ka 6 gola e 4 asistime në 27 ndeshje kampionale kurse Hadërgjonaj ka realizuar 3 gola dhe ka bërë 2 asistime në 23 paraqitje.
