E me të liruar ky post, është përfolur mundësia se në vend të parit të shëndetësisë mund të vijë Haxhi Avdyli i partisë “Guxo”.
Por, bashkëkryetari i kësaj partie, Faton Peci të dielën tha që do e respektojnë marrëveshjen me Lëvizjen Vetëvendosje.
“Në çështje të negociatave dhe partneritetit ne jemi shumë të kujdesshëm dhe e respektojmë në maksimum dhe kemi besim e mirëkuptim me partnerin tonë, që nënkupton që ne kemi një formulë bashkëqeverisje të dakordësuar në fillim të mandatit, mirëpo zërat brenda partisë ‘Guxo’ që e vlerësojnë personalitetin e Dr. Haxhi Avdyli menoj që janë normale, por si do që të jetë, thjeshtë edhe në prononcimin që bashkëkryetarja Donika Gërvalla ka pasur në njërën prej prezantimeve, e ka thënë shumë qartë se ne kemi besim dhe vlerësim për personalitetin e Dr. Haxhi Avdylit”, tha ai.
Megjithatë Peci theksoi se kjo nuk duhet të merret si kërkesë me çdo kusht, por siç tha ai është një opsion, nëse atyre u kërkohet një gjë e tillë.
Si do që të jetë ofrimi eventual i emrit të tij për Ministër të Shëndetësisë, vie në rrethana që thjeshtë në rast se Vetëvendosja kërkon që të kemi edhe një opinion, ose në rast se kanë vështirësi në përzgjedhjen e ndonjërit prej emrave që ka besimin e Vetëvendosjes.
Personalitetin e Haxhi Avdylit e vlerësojnë në “Guxo”, por kjo nuk nënkupton as nuk duhet të merret si kërkesë me çdo kusht, thjeshtë është shprehje e mendimit dhe bindjeve të “Guxo-s.
Ai shtoi se partneriteti me LVVnë është mbi baza të korrektësisë dhe besimit të ndërsjelltë.
Kronika e realizuar nga Valëza Sylejmani.
