Gjatë ditës së sotme kryetarja e Dhomave të Specializuara të Kosovës, Ekaterina Trendafilova pritet të mbajë një konferencë shtypi.
Mirëpo kjo konferencë nga ana e saj po kundërshtohet nga veteranët e Ushtrisë Çlirimtare të Kosovës.
E për këtë, kryetari i OVL-UÇK-së Hysni Gucati ka deklaruar se qëllimi i vizitës së Trendafilovës në Kosovë është që ta destabilizoj Kosovën.
Derisa, ai tha se Trendafilova ka ardhur pikërisht sot më 13 maj, me qëllim të Ditës së Sigurimit Shtetëror të Serbisë.
Ndërkohë, Gucati iu ka bërë apel medieve që mos ta ndjekin konferencën e Trendafilovës.
“Reagimi ynë ka qenë që Trandifilova të mos vijë fare në Kosovë, ne e dimë që vizita e saj sa herë që vjen në Kosovë, kjo vjen për një të keqe dhe një të zezë të Kosovës edhe ka ardhur pikërisht sot më 13 maj kur Dita e Sigurimit Shtetëror të Serbisë kur për shqiptarët është një ditë famëkeqe, është një ditë, ditë zie që shumë nëna, motra, gra kanë….Ne ende kemi fëmijë të pagjetur, baballarë, vëllezër dhe motra, kështu që kjo sot e ka gjetur këtë ditë që të vjen këtu. Unë mendoj që ka ardhur vetëm që ta destabilizoj Kosovën dhe vendin tonë, ne kemi qenë të shtypur nga padrejtësia që e ka bërë Serbia ndaj neve dhe ne kemi luftua padrejtësi për ta liruar vendin tonë. Unë iu bëjë juve apel si media që mos i shkoni brenda në konferencë Trandafilovës. Ajo nuk është e mirë për qytetarët e Kosovës dhe shtetin e Kosovës”, ka deklaruar Gucati./teve1.info/
