Është raportuar se Kyle Walker kishte bërë një gjë që e kishte zhgënjyer shumë Pep Guardiolën, para huazimit të tij te Milani.
Walker ka kaluar te Milani në një marrëveshje të përkohshme, deri në fund të sezonit, derisa mund të ketë luajtur ndeshjen e fundit me Cityn, pasi gjiganti italian ka mundësinë e blerjes së kartonit të tij.
Anglezi debutoi me Milanin në ndeshjen derbi ndaj Interit, duke treguar paraqitje mjaft të mirë.
Walker kishte deklaruar se u largua nga City, që të ketë më shumë minuta, pasi kishte rënë poshtë në zgjedhjet e trajnerit Guardiola.
Spanjolli kishte bërë me dije se nuk do ta pengonte mbrojtësin e djathtë të largohet në janar, dhe kështu një marrëveshje me Milanin u arrit shumë shpejt.
Por, “The Athletic” raporton se Guardiola ishte ndjerë paksa i zhgënjyer nga diçka që Walker kishte bërë para se të largohej nga “Etihad Stadium”.
Raportohet se Walker i kishte shprehur dëshirën për largim drejtorit sportiv të Cityt, Txiki Begiristain, në vend se të kishte folur direkt me Guardiolan.
Trajneri i Cityt thuhet të ketë thënë se dyshja kishin një marrëdhënie shumë të mirë, duke ia mundësuar 34-vjeçarit që të fliste çkado me të.
Në raportim thuhet se Walker kishte pranuar kalimin te Milani, pasi kishte folur me drejtorin sportiv të Milanit, Zlatan Ibrahimovic, ndërsa nuk pritet që ai më të luajë për Cityn, ndonëse ka edhe një vit e gjysmë kontratë me “Qytetarët”.
