Trajneri i Manchester Cityt, Pep Guardiola është në telashe të mëdha për dy ndeshjet e ardhshme, me Bournemouthin në kampionat dhe Sportingun e Lisbonës në Ligën e Kampionëve.
Për këto dy ndeshje, Guardiola ka në dispozicion vetëm 13-të lojtarë dhe trajneri spajnoll ka pranuar se ekipi i tij është në gjendje kritike për shkak të lëndimeve të shumta.
Aktualisht, City i ka nëntë lojtarë të lënduar në mesin e të cilëve janë Rodri, Kyle Ëalker, Jeremy Doku, Kevin De Bruyne, Jack Grealish e Savinho.
“Kam në dispozicion vetëm 13 lojtarë, kështu që, me të vërtetë jemi në vështirësi të mëdha”, ka thënë Guardiola.
City, të shtunën luan në udhëtim me Bournemouthin përpara se të përballet me Sportingun në Portugali të martën e ardhshme.
Aktualisht, City është lider në Premier League me 23 pikë të mbledhura, një më shumë se Liverpooli që renditet i dytë pas 9-të javëve të zhvilluara.
