Trajneri i Manchester City, Pep Guardiola, ka konfirmuar mungesën e gjatë të norvegjezit Erling Haaland.
Guardiola të martën në konferencë për shtyp ka deklaruar se stafi mjekësor i klubit i ka treguar Haalandit se do të mungojë për shtatë javë.
Haalandi lëndoi kyçin e këmbës në ndeshjen ndaj Bournemouthit të dielën dhe u detyrua të zëvendësohej në minutën e 61-të.
“Haalandit i është thënë nga stafi mjekësor i klubit se do të mungojë pesë deri në shtatë javë”, deklaroi Guardiola, shkruan të martën “BBC”.
Spanjolli Guardiola tutje theksoi se është e vështirë të zëvendësohet norvegjezi.
“Ne nuk kemi një lojtar tjetër me aftësitë apo cilësitë e Haalandit. Shifrat e tij janë të jashtëzakonshme”, ka thënë Guardiola.
Për 24-vjeçarin Haaland ky është lëndimi i dytë që e pëson këtë edicion. Ai është golashënuesi i dytë më i mirë në elitën e futbollit anglez.
Në 28 ndeshjet e zhvilluara këtë edicion në kampionatin anglez ka shënuar 21 gola.
