Disa aktivistë të grupit “Asnjë cent më shumë” po protestojnë edhe sot tek zyrat e ZRRE-së, por pa penguar hyrjen e punëtorëve të këtij institucioni në zyrë
Kjo formë e protestës po zhvillohet si shprehje e pakënaqësisë ndaj rritjes së tarifave të rrymës prej 15 për qind.
Kjo protestë është paralajmëruar edhe në grupin e tyre në Facebook.
“Pas sulmit brutal ndaj aktivistëve/eve dhe mbrojtjes së hapur që shteti po i bën interesave të KEDS-it, ne nuk do të ndalemi. Asnjë rrahje, asnjë arrestim dhe asnjë presion nuk na ndalë ta kërkojmë të drejtën tonë. Nesër, e enjte, në orën 08:00, do të jemi sërish te zyrat e ZRrE-së për të vazhduar bllokadën”, thuhet në paralajmërimin e tyre.
Ndryshe, më 11 prill ZRRE-ja pritet ta mbajë mbledhjen për vendimin mbi propozimin e shtrenjtimit të rrymës për 15 për qind.
Vendimi për çmimin e rrymës më 11 prill, shpresat te ZRRE që s’do të ketë ngritje
