Ai në emisionin “Info Nata” në tëvë1 thotë se me këtë ligj në mënyrë anti-njerëzore u janë marrë të drejtat zyrtarëve publik.
“Dua të them kur PDK të jetë në pushtet, dua të siguroj të gjithë ata që janë punonjës në Administratë se do ta shfuqizojë këtë ligj dhe do të restaurojë të gjitha të drejtat që u kanë marrë njerëzve në mënyrë anti-ligjore, anti-kushtetuese sepse kjo Qeveri ka fituar mandat t’i qeverisë njerëzit sipas ligjit jo sipas tekeve të momentit”, tha ai.
Por, Gruda deklaroi se para miratimit të këtij Ligji atë do ta dërgojnë në Gjykatë Kushtetuese dhe se është optimist se kjo e fundit do t’iu jep të drejtë atyre.
“Edhe pse unë jam i bindur se nuk do të vijmë aty, ne nuk do të lejojmë të miratohet ky ligj sepse do ta dërgojmë në Kushtetuese dhe jam me besim të plotë se Kushtetuesja nuk do të bie në nivelin që të legjitimoj një gjë absurde dhe brutalitet juridik që shkelë në mënyrë masovike të drejtat e njeriut”, tha ai.
Teksa përmendi mangësitë e këtij ligji, ai tha se me largimin nga puna të zyrtarëve të Administratës ata po stimulohen për të migruar jashtë vendit.
“Duhet të flasim për këtë ne kemi plagën më të madhe si shoqëri, migrimin masovik, shpopullimin e Kosovës. Nëse 2 mijë profesionistë ose 3 mijë janë të gjithë menaxherë ne i largojmë nga puna dmth të krijojmë njerëz ende që duan të ikin nga ky vend. Çfarë sinjali dërgon kjo Qeveri që mijëra njerëzve të cilët kanë bërë trajionime shteti ka paguar mijëra euro që kanë bërë karrierë në Adminsitratë çfarë jep përpos duhet të dilni në Evropë”, tha ai./teve1.info/
