Sulmuesi shqiptar, Brajan Gruda ka vazhduar me paraqitje të mira në Bundesligë me fanellën e Mainzit. Gruda ishte dribluesi më i mirë për xhiron e 33-t të kampionatit gjerman.
Ai pati dhjetë driblime të suksesshme në fitoren e Mainzit 3:0 kundër Borussia Dortmundit dhe gjithashtu zuri vend në ekipin më të mirë të xhiros, ka njoftuar të martën liga gjermane.
19-vjeçari në vitin 2022 është promovuar në ekipin e parë të Manizit, ndërsa këtë edicion ka 3 gola e dy asistime në 27 paraqitje në kampionat.
Madje, trajneri i Mainzit, Bo Henriksen ka thënë se Gruda është një lojtar fantastik dhe ka një të ardhme të ndritur.
Gruda, i cili aktivizohet me ekipin U21 të Gjermanisë ka kontratë me Mainzin deri në vitin 2026.
