Një gruas në Fushë Kosovë nuk i shkoi siç e priti takimi me një burrë të cilin e njoftoi në rrjetet sociale.
Ajo ka raportuar në polici se i njëjti ia ka vjedhur 400 euro para kesh dhe ka ikur.
Gjatë ikjes e njëjta ka raportuar se është shkelur me veturë nga i dyshuari.
Viktima ka pësuar lëndime trupore dhe është dërguar për trajtim në QKUK, transmeton teve1.info.
“Viktima femër kosovare ka raportuar se derisa ishte duke qëndruar në një lokal me një person të dyshuar të cilin e kishte njohur përmes rrjeteve sociale i njëjti ja kishte vjedhur nga çanta rreth 400 € para kesh. Gjatë ikjes nga vendi i ngjarjes i dyshuari e kishte shkelur me veturë viktimën duke i shkaktuar lëndime trupore. Viktima është dërguar për trajtim mjekësor në QKUK. Rasti në hetime”, thuhet në njoftimin e PK-së.
