Një grua nga Rahoveci ka përfunduar në emergjencë, e cila pas mosmarrëveshjes me bashkëshortin ka përdorur medikamente e detergjente të ndryshme ka bërë të ditur Policia e Kosovës.
Ky rast sipas policisë është cilësuar si “dhunë në familje”, ndërsa burri është arrestuar dhe dërguar në mbajtje.
“Është raportuar se viktima femër kosovare është sjellë në emergjencë pasi që, dyshohej se e njëjta pas një mosmarrëveshje me bashkëshortin e saj të dyshuarin mashkull kosovar dyshohet se ka përdorur medikamente dhe detergjente të ndryshme. Viktima është dërguar për trajtim të mëtutjeshëm mjekësor. I dyshuari është arrestuar dhe pas intervistimit me vendim të prokurorit është dërguar në mbajtje”, thuhet në raportin 24-orësh.
