Policia ka prangosur një person në Prishtinë, të dyshuar për kryerjen e veprës penale “Fotografim apo incizim i paautorizuar”.
Ndaj tij ishte ankuar në polici një grua, e cila kishte thënë se i njëjti kishte publikuar fotografinë e saj në rrjete sociale me qëllim të diskreditimit dhe ngacmimit.
Pas intervistimit, i dyshuari është dërguar në mbajtje.
“Ankuesja femër kosovare ka raportuar se në një rrjet social ka vërejtur një postim me fotografi të saj me qëllim te diskreditimit dhe ngacmimit. Në vazhdën e hetimeve të zhvilluara në lidhje me rastin më datë 15.02.2023 është identifikuar dhe arrestuar i dyshuari mashkull kosovar dhe i njejti pas intervistimit me vendim te prokurorit është dërguar ne mbajtje”, thuhet në raportin e policisë.