Duart po i dridhen teksa tregon kartën sociale.
Pranë vetes, Hazbije Brahimi nga Obiliqi, po i mban edhe dokumentet mjekësore. Ato tregojnë, për disa nga sëmundjet e saj.
Ndonëse dhimbje kishte vazhdimisht, Brahimi si një nënë-vetushqyese, fillimisht nuk ndaloi së punuari, derisa ato u bënë të padurueshme.
“Nuk po muj ia dal, deri qetash kam punu edhe vet se edhe pse kam pas dhimtë po nuk janë kanë dhimtë e rana sa me u dorëzu. E qitash ma shumë rri në emergjencë t’u marrë infuzione t’u marrë terapia se që rri n’shpi”, tregon ajo.
Pasi u detyrua që të ndalë punën, 42 vjeçarja thotë se jetën po e ka mjaft të rëndë. Ushqimi e higjiena, janë vetëm më themeloret të cilat vështirë e ka t’i sigurojë.
“Jetoj me social, jam e papunë, deri qetash kam punu n’kuzhinë a kam pastru, për mu puna s’ka problem, po qetash jam smut vet, ma nuk po muj, jam dorëzu, ni ditë puno dy tri ditë mos shko n’punë, as puna kshtu s’t’man”, thotë ajo.
Për të mos mjaftuar, Brahimi nuk është e vetmja e cila ka nevojë për trajtim shëndetësor. Si një nënë-vetushqyese, po kërkon ndihmë që t’i dal zot edhe vajzës së saj të vetme.
“Kush mundet me m’ndihmu për shërim m’i dalë zot çikës tem,me i hek gurët në idhëz, me pastru veshkët prej infeksionit, m’u shëru une, ndihmë për vajzën, ajo vun prej mbipeshës së madhe, 13 vjet i ka por i ka gati 94 kg, e veç për shërim, për tjerat kush mundet me m’ndihmu inshAllah Zoti e shpërblen”, thotë Brahimi.
Hazbije Brahimi me vajzën e saj banojnë tek banesat e Hades, të dedikuara për banim social nga komuna e Obiliqit. E njëjta, thotë se ka nevojë për të holla, të cilat i ndihmojnë për trajtimin e sëmundjeve të saj, por edhe për nevoja të tjera.
Kronika e realizuar nga Albiona Hajdar
Për të gjithë ju që dëshironi ta ndihmoni mund ta kontaktoni në këtë numër
+38349/162-959
