Janë bërë 23 vjet që kur Agim Ramadani ra heroikisht në luftën e Kosovës.
Mbi dy dekada pas, kujtimet për komandant “Katanën” i ka të freskëta, gruaja e tij Shukrija.
Madje ajo kujton një detaj interesant.
Herën e fundit kur kishte folur me Agimin, ai kishte thënë se do bënte diçka që do t’i dëgjohej zëri.
“T’u them të drejtën gjatë drekës e ndjeja që toka më çonte peshë, e telefonin s’e kisha me vete, dhe i thashë motrës të ikim për nw shtwpi, e motra më tha po e dreka, jo i thashë s’mundem, diçka ka ndodh. E ndjeja në shpirt, ajo ngushtija që të zë frymën”, u shpreh ajo.
Më pas, duke mos mundur ta kontaktoj direkt Agimin, ajo tregon si e kuptoj lajmin për vdekjen e tij.
E pavarësisht sakrificës së bashkëshortit të saj, Shukrija thotë se Kosova akoma nuk është ajo që ish komandanti e kishte ëndërruar.
“Fatkeqësisht Kosova nuk është ajo që Agimi jem e ka ëndërruar, e as Agimat e tjerë. Po një e mirë është që ne kemi liri, se si punojmë me të, varet prej ne. Sa punojmë për të varet vetëm nga ne”, shtoi ajo.
Pas rënies së tij, Brigada 138 e Zonës Operative të Dukagjinit u emërua “Agim Ramadani”.
Raporti i gazetares, Valëza Sylejmani.
