Greva e punëtorëve të aeroporteve në Gjermani pritet të ndikojë në anulimin e fluturimeve edhe në Kosovë.
Kështu ka bërë të ditur Policia Kufitare në Aeroportin Ndërkombëtar “Adem Jashari”.
“Ju njoftojmë, se për shkak të grevës së përgjithshme të punonjësve të operimeve në aeroportet e Gjermanisë, gjatë ditës së sotme, pritet të anulohen fluturimet në aeroportet gjermane, aty ku kemi linja direkte”, thuhet në njoftim.
Tëvë1 të hënën ka qenë në Aeroportin “Adem Jashari”, ku në mesditë ka parë se janë anuluar pesë fluturime nga Gjermania për në Kosovë.
Të dielën punëtorët e aeroportit të Hamburgut kanë hyrë në grevë, kurse të hënën në grevë kanë hyrë edhe 13 aeroporte tjera.
