Mbeturinat e shumta janë parë në shkollën “Hoxhë Kadri Prishtina” dhe “Abdyl Frashëri” në Prishtinë, katër ditë pas punëtorët teknikë kanë hyrë në grevë.
Ata për më shumë se një vit ata po kërkojnë rritjen e pagave, njëjtë si punëtorët që janë nën menaxhimin e Komunës së Prishtinës.
Në fotografitë që ka siguruar Tëvë 1, shihen mbeturinat e shumta që janë duke qëndruar në klasa të këtyre shkollave.
Ndryshe, rreth 120 punëtorë teknikë të shkollave fillore e të mesme kanë nisur para katër ditëve grevën.
Kryetari i Sindikatës së Pavarur të Punëtorëve, Jusuf Azemi tha se kjo grevë ka nisur me kërkesën e punëtorëve.
“Të gjitha shkollat janë në grevë dhe realisht kjo grevë ka ardhur si pasojë e presioneve të punëtorëve. Në bazë të vendimit që kanë marrë punëtorët, këtë javë do të negociohet, nëse nuk ka negocime, javën tjetër të gjithë punëtorët do të lirojnë vendet e tyre të punës dhe të bijnë punëtorë të tjerë. Është një diskriminim i llojit të tillë, përderisa në të njëjtin vend, në të njëjtën shkollë këta punojnë dhe marrin dikush 230 e dikush 270 euro, po të njëjtit punëtorë, kolegë tanë i marrin 400 e 405 euro. Po më duket që Komuna e Prishtinës sa më keq po i duket që është më mirë. Realisht ne qe një vit negociojmë dhe nuk mund të qasemi ashtu siç duhet”, ka deklaruar ai./teve1.info
