Emisari special i presidentit amerikan, Richard Grenell ka kërkuar që t’i ndalen fondet Gjykatës Speciale në Hagë.
Grenell përmes një postimi në “X” ka thënë se e gjitha është politike dhe se janë shpenzuar dhe shpërdoruar miliarda.
“Ndalni fondet për këtë gjykatë! E gjithë kjo është politike. Miliarda janë shpenzuar e shpërdoruar”, ka shkruar ai.
Ndryshe, reagimi i tij ka ardhur pas një postimi të gazetarit Fitim Çeku në të cilin shihet se kryeprokurorja e Speciales, Kimberly West, dhe prokurorja tjetër Silvia D’Ascoli, kishin pëlqyer një postim ku kritikohet presidenti Donald Trump.
Pak javë më parë, Grenell kishte pasur edhe një reagim për këtë çështje, duke u pajtuar me konstatimin se Specialja është formuar për ta ndalur administratën Trump dhe marrëveshjen Kosovë-Serbi.
Defund this court!
It’s all politics.
Billions have been spent and wasted. https://t.co/YrmOvqSiDI
— Richard Grenell (@RichardGrenell) April 13, 2025
