Richard Grenell një nga personat më të afërt me presidentin e ardhshëm të ShBA-së, Donald Trump ka shpërndarë urimin e ambasadorit shqiptar në Shkup, Denion Meidani.
Meidani ka uruar Trump për fitore – e që e ka quajtur rikthim historik të tij.
“Urime Presidentit Trump për rikthimin historik dhe më shumë se të merituar. Përgëzime Partisë Republikane që e ngjyrosi me të kuqe krejt vendin!”, thuhet në urimin ku përmendet edhe Grenelli.
Kandidati republikan Donald Trump u zgjodh presidenti i 47-të i Shteteve të Bashkuara, duke shënuar një rikthim të jashtëzakonshëm.
Ai me një diferencë të madhe votash ka lënë prapa kandidaten e demokratëve, Kamala Harris.
Donald Trump pritet të inaugurohet për një mandat të ri më 20 janar të vitit 2025.
