Një 44-vjeçar ka njoftuar policinë se derisa ishte duke drejtuar një automjet – postë private, në dalje të autostradës në fshatin Duhel është ndaluar dhe sulmuar nga persona të panjohur.
Të dyshuarit, nën kërcënim dhe me forcë i kanë marrë disa zarfa të mbyllur, të cilët brenda zarfeve kanë qenë dhjetë mijë euro.
Kështu ka bërë të ditur për tëvë1.info zëdhënësi i policisë për rajonin e Prizrenit, Shaqir Bytyqi i cili tha se viktima nuk ka lëndime dhe se personat e dyshuar kanë qenë të maskuar, të cilët janë larguar nga vendi i ngjarjes.
Sipas Bytyqit, policia po vazhdon hetimet me qëllim të identifikimit dhe arrestimit të dyshuarve.
“Sot, më datë 24.10.2025, rreth orës 07:45, një person mashkull, 44-vjeçar, ka raportuar në polici se derisa ishte duke drejtuar një automjet tip kombi, postë private, në dalje të autostradës në fshatin Duhel, është ndaluar dhe sulmuar nga persona të panjohur. Të dyshuarit, nën kërcënim dhe me forcë, i kanë marrë disa zarfa të mbyllur që dyshohet se përmbanin para. Viktima nuk ka lëndime dhe fillimisht nuk ka e ditur shumën e saktë të parave të grabitura, pasi zarfat kanë qenë të mbyllura. Më von pas verifikimeve janë raportuar rreth 10000 ( dhjetë mijë) euro të grabitura. Policia ka reaguar menjëherë dhe është duke u marrë intensivisht me rastin. Deri më tani dyshohet se ishin disa persona dhe ishin të armatosur, ata janë larguar nga vendi i ngjarjes me një automjet të tipit Golf. Hetimet janë në zhvillim me qëllim të identifikimit dhe arrestimit të të dyshuarve”, thuhet në përgjigjen e Bytyqit./teve1.info/
