Puna po zhvillohej si zakonisht.
Mirëpo në këtë lokal, mëngjesin e së hënës u plaçkit një shumë e konsiderueshme parash. E gjithë kjo vjedhje dyshohet se u bë nën kërcënimin e armës. Me të marrë informatën, forcat e rendit dolën në vendngjarje.
“Sot rreth orës 10:00 është raportuar për një grabitje të ndodhur në një këmbimore në lagjen Tophane në Prishtinë. Pas marrjes së informacionit policia ka dalë në vendngjarje dhe bazuar në informacionet e para, dyshohet se nën kërcënim të armës është grabitur një shumë parash”, kanë deklaruar nga Policia e Kosovës.
E ndonëse vjedhja ishte kryer në kërcënim të armës, banorët këtë nuk e kishin kuptuar.
Ndonëse nuk pranuan të flasin para kamerës, punëtorët e lokaleve përreth thanë për tëvë1 se nuk kanë qenë në dijeni për rastin, derisa te kjo këmbimore prapa meje erdhi policia e Kosovës.
Ndërsa pronari i lokalit, Valton Isufi nuk u paraqit gjatë ditës në vendin e punës. Nga Stacioni i Policisë, Isufi përmes telefonit tregoi edhe për shumën e vjedhur.
Pak a shumë mbi 20 mijë sigurt kanë qenë, po saktë sa janë s’mundem me thënë sigurt.
Këmbimorja “ExCoins’’ është një prej shumë këmbimoreve në lagjen Tophane në Prishtinë.
