Një grabitje e ndodhur më 14.08.2024 rreth orës 23:00 në rrugën “Sutjeska” në Mitrovicë të Veriut, ka rezultuar me arrestimin e një të dyshuari, i cili dyshohej edhe për 26 vepra penale të ngjashme.
Zëvendëskomandanti i Policisë së Kosovës për rajonin e veriut, Veton Elshani ka thënë për Tëvë1, se grabitja ka ndodhur në mishtoren “North City”, ku një person i dyshuar kishte hapur derën e mishtores me mjet të fortë, dhe nga lokali kishte vjedhur para të gatshme rreth 6000 dinarë, një laptop në vlerë prej 400 Euro dhe një telefon celular në vlerë prej 150 Euro.
Rasti, sipas Elshanit është raportuar nga ankuesi të nesërmen më datë 15.08.2024 në ora 08:30.
“Njesitet patrolluese se bashku me hetuesit e SP Veriu I jane pergjigjur rastit, eshte inicuar rasti “Vjedhje e rende” ndersa hetuesit menjehere kan filluar me hetimin e rastit, shiqimin e kamerave, duke identikuar te gjitha kamerat e mundeshme ne qytet qe mund te na nderlidhin apo te na japin ndonje pamje me personat e dyshuar” ka thënë ai.
Por, gjatë ditës së sotme, i dyshuari është vetëdorëzuar në polici.
“Pas një pune ekipore nga ana e hetuesve, është arritur që të identifikohet personi i cili ka kryer veprën në fjale. Personi i dyshuar, M/SH/K viti i lindjes 1987, është kërkuar disa herë në shtëpinë e tij, mirëpo nuk është hasur, ndërsa më datë 24.08.2024 personi është vetëdorezuar në Sp Veriu, është intervistuar në prani të mbrojtësit të tij dhe ka dorëzuar gjerat e vjedhura”, ka theksuar Elshani.
“Pas verifikimit të personit të dyshuar, i njëjti rezulton të jetë recidivist i veprave të ngjashme penale në të kaluarën (26 raste)
Lidhur me rastin në fjalë, pas konsultimit me prokurorin, i njëjti është dërguar në mbajtje për 48 orë, ndërsa gjerat e vjedhura do t’i kthehen pronarit”, deklaroi Elshani./teve1.info/
