Një taksist në Prishtinë është grabitur nën kërcënim nga klienti pasi e kishte kryer shërbimin e taksisë, raporton teve1.info
Sipas komunikatës së Policisë, rasti ka ndodhur në rrugën “Ahmet Krasniqi” në kryeqytet rreth orës 22:30, derisa i dyshuari është larguar në drejtim të panjohur.
Lidhur me rastin është informuar edhe prokurori dhe i njëjti po hetohet.
“Rr. Ahmet Krasniqi, Prishtinë 18.03.2024-22:20. Ankuesi mashkull kosovar-taksist ka raportuar se pasi i ka kryer një shërbim taksie një personi të panjohur, i njëjti duke e kanosur i ka grabitur 60 € para të gatshme (ankuesit) dhe është larguar në drejtim të panjohur. Lidhur me rastin është informuar edhe prokurori, ndërsa njësitet policore janë duke hetuar rastin”, thuhet në komunikatë.
