Pas dështimit të filmit “Joker 2”, aktori Joaquin Phoenix po përjeton një tjetër tronditje, këtë herë personale.
Sipas burimeve të TMZ, shtëpia e tij në Los Angeles është bërë objekt i një vjedhjeje, ku hajdutët kanë marrë një Volvo SUV të vitit 2022, me vlerë rreth 60 mijë dollarë.
Automjeti ishte i parkuar jashtë rezidencës së aktorit dhe u raportua i vjedhur nga një punonjës i tij.
Phoenix nuk ndodhej në shtëpi në momentin e ngjarjes, ndërsa hetimet janë ende në vazhdim dhe deri tani nuk ka të arrestuar.
Kjo ndodh ndërsa Phoenix po kalon një periudhë sfiduese në karrierë.
Pas suksesit të madh me “Joker” në vitin 2019, ai është shfaqur në projekte që nuk kanë arritur të njëjtin nivel suksesi, si “Beau Is Afraid” dhe “Napoleon”.
Aktori jeton me bashkëshorten Rooney Mara dhe dy fëmijët e tyre.
Çifti, që është bashkë prej vitit 2017 dhe u martua në vitin 2023, është një ndër çiftet më të komentuar të Hollywood-it.
