Ka ndodhur një grabitje në Fushë Kosovë.
Policia e Kosovës njofton se mbrëmë në orët e vona disa persona e kanë grabitur një person duke e futur me forcë në veturë.
“GRABITJE Fushë Kosovë / 29.01.2024 – 22:00. Është pranuar informata se viktima mashkull kosovar është futur me forcë në një veturë nga disa persona të dyshuar dhe janë larguar nga vendi i ngjarjes”, thuhet në raport.
Më tej policia njofton se grabitësit kanë marrë para dhe gjëra tjera personale nga viktima.
Ky rast ka shkuar në hetime, ndërsa në mbajtje është dërguar një person.
“Gjatë patrullimit nga njësitet policore është hasur në rrugë viktima mashkull kosovar. Dyshohet se të përfshirë kane qenë disa të dyshuar kosovarë, të cilët viktimës i kane marrur edhe disa gjësende personale dhe disa para. Viktima është dërguar për trajtim mjekësor në QKUK, kurse lidhur me rastin është arrestuar dhe dërguar në mbajtje një i dyshuar mashkull kosovar”,njofton PK.
