Objekti ishte i monitoruar nga kamerat e sigurisë.
Por kjo nuk ishte pengesë që dyert e këtij institucioni mikrofinanciar të hapen për vjedhje.
E menjëherë në vendngjarje doli Policia e Kosovës.
“Reagimi i shpejtë i zyrtarëve nga Njësiti i Hetimeve të Përgjithshme, që operon në kuadër të Drejtorisë Rajonale të Policisë në Prishtinë, ka rezultuar me arrestimin e njërit prej personave të dyshuar vetëm pak minuta pas raportimit të rastit. Personi i dyshuar aktualisht po intervistohet, përderisa hetuesit janë në kërkim të personit të dytë, të cilin tashmë e kanë identifikuar”, kanë deklaruar nga Policia.
Grabitja ndodhi në rrugën “Enver Maloku”në Prishtinë.
Ndërsa personat e njëjtë, dyshohet të jenë përfshirë edhe në grabitjen e armatosur që ndodhi disa ditë më parë në rrugën “Agim Ramadani”në Prishtinë.
